Asia Ginwang Jinghpaw Wunpawng Hkalup Hpung Ginjaw (AKBA) a yaw shada da ai lam ni awngdang lu na matu, lawu de na magam bungli ni hpe jasat galaw sa wa na.
- KBC a ginwang ni hte Asia Ginwang Jinghpaw Wunpawng Hkalup Hpung Ginjaw a Buga hpung ni hpe ra wa ai hta hkan nna karum madi shadaw na.
- Makam masham hte seng nna,
1. Hkaw Tsun sakse hkam ai lam
2. Sharin a chyin ai lam
3. Shamai shatsai ai lam
4. Dawjau ai ai lam - Hkristan laili laika ni hte makam hpe ahtu agawng n-re ai sha shinggyin wuhpawng hpe akyu jaw ai laili laika ni hpe ka shalat, ga gale, dip shabra ai lam ni galaw na.
- Ja gumhpraw, arung arai, Sali wunli, lamu ga hte dum nta ni hpe madu nna gawn lajang na.
- Hpung masha shagu, Buga hpung shagu Wenyi hpring tsup ai ni byin tai wa lu na matu, seng ang ai Num, La, Ram, Ma asak pang hta hkan nna, woi awn sharin achyin ai lam hpe seng ang ai dap/komiti ni kaw nna woi awn na.
- Yaw shada ai hte magam bungli ni awng dang wa lu na matu Laili Laika dip shabra na, prat dep matut mahkai lam ni hpe jai lang na, Ga gale na.
- Kungkyang ai Hpung a ningbaw ningla ni paw pru wa lu na matu, KBC a masing masa hta shang lawm gun hpai sa wa na.
- Mai kaja ai lam shagu hta bawngring wa lu ai sakhkrung lam hpe jasat woi awn sa wa na.
- Makam masham hpe n ahtu hkra ai kaga wuhpung wuhpawng ni hte matut mahkai na.